碎碎唸

其實啲旅遊局無辦事處響機場同火車站，反而整個辦事處響主要旅遊點前面，真係無乜意思。我如果識得去到個景點就唔使問旅遊局啦。Padova 火車站嘅報紙檔貼住張紙寫住去Il Santo 嘅巴士路線，梗係畀人問到煩。（不過報紙檔兼賣車飛，答呢啲問題都好正路。）而個旅遊諮詢處就係響Il Santo 外面。都幾多餘。

今朝早響威尼斯火車站排隊用售票機買火車飛，前面個男人想買聽日去羅馬嘅車飛，但係啲飛好貴，渠撳來撳去都買唔落手，我睇到渠起碼timeout咗兩次，幾乎想打渠一身。其他售票機都好多人排隊，隔鄰部機又唔收紙幣，我無辦法只好繼續等渠慢慢磨。最後渠買咗張好早出發仲要轉車嘅飛，都要50+歐羅，幾貴。其實如果我係渠都可能會係咁。唉。呢個故事教訓我哋：長途車飛要盡量早買。