秘書

我有一個合約嘅秘書，我無乜嘢畀渠做嘅，因為渠位置太junior，而且係合約員工，始終唔放心畀渠接觸啲機密嘢。 但我有啲處理投訴嘅回信，雖然叫做機密，但內容好普通，於是我畀渠幫我出信（我自己寫好、印埋、簽好），渠只需要影印同入信封。渠做咗一排，我先發覺渠將每封只有一張紙嘅回信用A4信封出。我問點解要用咁大個信封出一張紙，渠話無細啲嘅機密信封。我打開出面放文具嘅櫃桶，用咗一兩秒就揾到A5嘅機密信封。唉。

然後我請渠將包括我在內嘅3個人嘅文件變成一份，基本上係做剪貼。渠做完後問係咪渠可以直接出份文件，我叫渠畀啲原稿同渠嘅功課我睇，然後畀渠放工。咁我一check，就發覺渠漏咗一大段，又有啲放錯位置，於是又要自己執到6點幾。唉。呢個秘書真係唔掂。