早餐

啱啱食早餐同屋主傾偈，話我今日會去梵蒂岡博物館。渠問既然去過點解仲去，我話無嘢好做而且今日去唔使錢。跟住渠講咗好多地方名出來，但我都去過哂咁滯。然後渠話，咁你去梵蒂岡啦！實大排長龍！

然後渠講香港嘅問題，話係小問題啦，呢個世界周圍都有好多問題。渠講意大利嘅問題，不外乎人口老化高稅率（渠話80%退休人士、75%稅率），賺埋唔夠交稅，夫妻雙職無錢無時間精力生仔，於是人口更加老化，惡性循環。我話請個菲傭就得啦，渠話渠係意大利人，無理由畀菲律賓人照顧渠個仔。咁無符。