離去

我媽今日過身。

渠舊年11月尾跌斷腳，今年農曆年前先出院，之後已經唔可以行走，身體毛病越來越多。其實渠今次住院期間好辛苦，開頭嘈住要出院，後來絕食又亂講嘢（有人話可能因為電解質？唔平衡）。幫渠轉去特別病房後衰退到吞唔到嘢、排唔到尿，無法動彈，全身水腫兼全身針窿。尋晚去睇渠，渠不停咁嗌辛苦，但我哋又幫唔到渠。好遺憾渠走之前咁辛苦。