Happy Hours

六點半響灣仔海傍開完會，唔係放假而太陽未落山我竟然有自由時間，簡直唔知點算。於是去會展設計廊逛咗幾十分鐘，七點二，都只係七點二！ 於是去六國飯店飲酒，呢間酒店嘅cheap wine 咁多年都無乜點加價，飲完一杯再要多杯，離開時都只係八點二。八點二！嘩。於是去買六合彩，去馬莎買減價食品，咁多自由時間，實在太開心嘞。雖然可能已經有好多公司嘅電郵等住我，但你諗吓一條殭屍突然發覺自己可以日間響戶外行走會幾興奮，就大概明白我嘅心情。